المساعد الشخصي الرقمي

مشاهدة النسخة كاملة : أمثال ستي وستك


ياسمين الشام
12-12-2010, 05:31 PM
أبوك بصل وأمك توم.. من وين بدا تجيك الريحة الطيبة..
أبـو العبـاية ما مناخدو.. وأبو الجـوخة ما بيجـينا...
اترك العجل يسرح.. وقت رضاعتو بيعرف أمو..
إجـا العصفور يتعلم مشية الزرزور.. صــار يمشي نـطـْـوطــه..
إجـا المنتوف لعند المهتري، قالو عندك دوا للعـافية؟
إذا بتوعدو بكفن بيصبح ميت..
إذا بدك تعيش بأمان لاتسمع للنسوان..
إذا كـان كل واحد منكم كبير.. مين بــدو يسوق الحمير..
إذا كان الحظ جاي..الأعمى بيعمل ساعاتي..
إذا كان راسك من شمع.. لاتمشي تحت الشمس..
اربط الحمار جنب رفيقو إذا ما تعلم من شهيقو بيتعلم من نهيقو
أعمى قال للأطرش خلينا نشوفك..
الأبرة اللي فيها خيطين مابتخيط..
الأعـور بمملكـة العميان ملـك..
امشي بجنازة ولا تمشي بجازة..
باع جلد الدب قبل ما يصيده
بدو يعزي وما بيعرف مين مات
بيكون عم يحلق بيصير يقلع أضراس
راحو يشنقوه قال بدي حبل منقش
ركـبناه ورانـا.. حـط إيـدو بالخـرج.
شو فايدة الكحلة يا مرت الأعمى
أخي وصاحبي.. بس صوب الكيس لاتقرب..
أقرع ودقنو طويلة.. قال شي بيغطي على شي..
تخانقت الجواميس راحت الصيصان معيس
ربيتو جرو لما صار كلب عضني
العاب بالمقصوص حتى يجيك الطيار..
أكـل ومرعى.. وقلت صنعـة..
العـين ما بتعـلا عالحـاجب..
العز للرز.. والبرغل شنق حالو..
ألف كلمة جبان.. ولا كلمة الله يرحمه..
الحكــي إلــك يا كــنـّـة.. اسـمعي ياجــارة..
الغـــايب حجـتو معـــــــــو ..
الولد اللي مابيبكي أمـّو ما بترَضعو..
بدك تعمل جمال علي باب دارك
بيخطف الكباي من راس الماعون..
تاجَـرنا بالكفــان بطـّـل حدا يمـوت..
جاي من البرية وبدو ياخد الأولية
حكى بدري وانشرح صدري
خل ببلاش ولا عسل بمصاري
رضينا بالبين والبين ما رضي فينا
شحاد ومشارط
صرلو بالقصر من مبارح العصر


( منقول )

Rudaina
12-12-2010, 10:39 PM
اجتمع المنحوس ع خايب الرجا,,,

قعدناه بحضنا نتف ذقنا,,,

ياسمين الشام
12-12-2010, 11:00 PM
اجتمع المنحوس ع خايب الرجا,,,



قعدناه بحضنا نتف ذقنا,,,


إذا عبرت الأميرات
سكتت الكلمات
وأنحنت الوردات
ورقصت الفراشات

عبير
12-13-2010, 10:56 AM
الله على ستي وستك
درر ما كانوا يتفوهون به
شكرا

ياسمين الشام
12-13-2010, 12:56 PM
الله على ستي وستك
درر ما كانوا يتفوهون به
شكرا


شكراً لعبيرك سيدتي
الذي يعم أرجاء المكان
دام العطر والمرور ودمتِ بخير .
والله يرحم ستي وستك

ثائر
03-17-2013, 07:33 PM
صار لازم اعمل زيارة لستي وجيب من عندها كم مثل