المساعد الشخصي الرقمي

مشاهدة النسخة كاملة : الأمثال الشعبية الحمصية1 ((في الجنون - الجدبان - العميان - القرعان )) - منقول -مصطفى الصوفي


Assia Zaffour
07-04-2010, 09:08 AM
الأمثال الشعبية الحمصية1 ((في الجنون - الجدبان - العميان - القرعان )) - منقول - مصطفى الصوفي
إعداد : asia
- أمثال في القـرعان
جبنا الأقرع يونسنا، كشّف عن قرعتو وخوفنا
تقال لمن تضع ثقتك بشخص ولا يكون أهل لهذه الثقة. ويقال:
قال: صباح الخير يا أقرع، قالوا: هذا أول باب من النقار
تقال لمن يبدأ بالكلام المسيء.
القرعة بمشطين والجقمة بعلكين
الجقمة ذات الفم القبيح المجقوم تستعمل علكين معاً بدلاً من واحد.
حيرتنا القرعة منين نمشطها
حيرتنا القرعة منين نبوسها
لمن تحير الناس كيف يتعاملون معها وماذا تريد.
لا تأخذ القرعة ولا بنت بنتها ، بيجوا ولادك قرعان
حسب الوراثة يأخذ الأولاد صفاتهم من أصولهم.
القرعة بتزيّن مجنونه وطرشه بتتسمع عالباب
حلاق فتح وبأقرع استفتح
أقرع ودقنه طويله
أقرع طوّل دقنو قال شي بيغطي على شي
إجا الأقرع لعند الطبيب ليداوي قرعتو، لقا الطبيب عما تلالي قرعتو
24 - أمثال في العمـيان
أعمى العين مفتح القلب
أعمى القلب مفتح العينين
هو أعمى البصيرة.
الأعور بين العميان مفتح
الأعور أعمى العين الواحدة.
البطر بيعمي البصر
كل ذي عاهة جبار
أعمى قايد مفتح
أعمى بيسرق مفتح
العميان إجاهم صبي قلعولوا عينه باللحمسه
من كثرة اللمس والتلمّس، فهم لا يرون أين تصل أيديهم.
إجا يكحلها عماها
جاء ليصلح فخرّب أكثر، ومعناه أتت لتكحل لها عينها فعورتها.
اللي بدو يقعد مع العميان بدو يعور عينو
وين ما شفت الأعمى طبو مانك أرحم من ربو
وطبو أي اضربه فلست أرحم من ربه.
مين مدوّر على حظوظك يا مرت الأعمى
بنت الدار عورة
بنت العم عورة
ما صدّقت إجاها عريس قالت عنه أعور
الفتاة متردّدة تنتظر العريس ولما جاءها وجدت فيه عيباً.
عما يقلع عينو بإيدو
العين الما بتشوف عميه
إذا بدّك تعرف نعمة ربّك عليك اغمض عينيك
إذا أغمضت عينيك تتذكر نعمة البصر، وكيف يعيش الأعمى في الظلام.
25 - أمثال في الجـنون
جنان حمصي
جدبة حمصية
مجانين حمص يوم الأربعا:
يوم الأربعاء عيد مشهور للحماصنة قيل كانوا يعيدون فيه كل أسبوع، وقصة عيد الأربعاء فيه أقوال كثيرة.
مجنون يحكي وعاقل يسمع
يقوله الشخص إذا كان الكلام ليس له أساس وغير منطقي.
الجنون فنون وقلة العقل مصيبة
عطو مجنون صفّارة عمل صرعة بالحارة
هبلة ومسكوها طبلة
فيكون تطبيلها حسب هبلها.
العاقلة والمجنونة عند جوزها بالمونة
العرس لاتنين والمجانين ألفين
عرس المجانين بكوانين
26- أمثال جـحـا
مسمار جحا
المسمار الذي وضعة جحا في بيت جاره، وأصبح كل يوم يذهب إلى جاره لتفقده، وتقال لمن يترك أمراً مصدراً للشر.
جحي جابن وجحي أكلن
تقال لمن يأتي بالطعام للآخرين ويأكله .
جحي أكبر من أبوه
جحي أولى بلحم تورو
أحمق من جحا
جحي صار قاضي قام شنق أهلو
طلع لجحي قرايب

Rudaina
07-04-2010, 09:19 AM
يظهر أنه ولسبب فني تعذر ادراج الموضوع...
الرجاء المحاولة ثانية!!

فريد ظفور
07-04-2010, 10:18 AM
رد: الأمثال الشعبية الحمصية2 ((في الشبه والوراثة - الزمان والاوقات - الرجال والشباب - الشيب )) - منقول -مصطفى الصوفي
إعداد :asia

أمثال في قيمة الرجـال والشـباب
لكل زمان رجاله
لا توزن الرجال بالميزان
يا مأمّن الرجال مأمّن المي بالغربال
الرجل لا أمان له ، هذا ما تقوله النساء.
الناس بأفعالا وليس بأقوالا
الفعل هو الأساس وليس القول.
رجل ولا كالرجال
والله يا عمي ملاّ رجل
الرجّال عند قولو
الرجّال ما بيهاب الموت
الكذب ملح الرجال
الرجّال بالبيت رحمه لو كان فحمه
الرجّال متل الشجرا بيكسا وبيعرا
الرجّال كلما شاب طاب
برا شحرور و بالبيت دبور
الرجال غايبه والنسوان سايبه
- في الشباب
الشايب بيعين والشب بهين
الشايب بيدلّع والشب بيلوّع
شب يهنّي ولا مال يولّي
يا أرض اشتدي ما حدا قدي
جيل بعبع بياكل ما بشبع
شباب آخر زمن
شباب الغيضة كل عشرة ببيضة
شباب بتاكل البيضة وقشرتها
شايب أمير ولا شب فقير
21- أمثال في الشـيب
بعضها تعبر عن مواقف إيجابية تمدح الشيب فتقول فيه:
الشيب هيب
الشيب وقار
الشيب تاج الشيوخ
الشيب ما هو عيب
الكبر عبر والشيبة هيبة
ومنها مواقف سلبية تذم الشيب وهي الأغلب فتقول فيه:
الشيب دلّى والعمر ولّى
الشيب عيب
شايب وعايب
شايب ونفسه خضرا
شاب وما تاب
بعد الكبرا جبه حمرا
بعد ما كبر وشاب ودوه عالكتاب
كتير الأولاد همو زاد
شي بيشيب الراس
من كثرة ما شاف أهوال وتعرض للخوف.
شي بيشيب الطفل
من الرهبة والخوف والمصاعب .
ما بيصلح العطار عنين الختيار
عشق الستين ضرب سكاكين
جهل الكبر بيعمي البصر
جهل الختيار مالو دبّار
(أي ليس له دواء)
وجع الضهر ختيرا وقهر
اللي فقد انصابو ونابو الموت أولابو
(أي أولى به)
شو بتساوي بيضة مع عجوز مريضة
22 - أمثال في الوراثـة والمشـابهة
طب الجرّة على تمّها بتطلع البنت لأمّها
البنت تنشأ حسب تربية أمها.
فرخ البط عوام
الولد يشبه أبوه.
الطبع غلب التطبع
طنجرة ولقت غطاها
أي يشبهون بعضهم.
تلمْ المتعوس على خايب الرجا
تلم بمعنى التم، أي التقى الاثنان ومثلها قولهم:
الله جمع ووفق
تم النقل بالزعرور
كملت السيبة وكملت الطرقة
على شكلو شكشكلو
فلكل مقام مقال وعلى ما يقولون "أعطي كل إنسان حقه".
صرنا بالهوا سوا
أصبحنا مثل بعض أي متشابهين بالوضع.
فولي وانقسمت نصين
أي الحسن أخو الحسين
اللي عاشر القوم أربعين يوم صار منن وفين
يكفي أربعين يوماً ليتطبّع الإنسان بخلق من عاش معهم.
بيخلق من الشبه أربعين
كلب وخلّف جرو طلع أنجس من أبوه
ما بيعرف ابن الحرام إلا ابن الحرام
يللي متلنا تعالوا لعنا
يجتمع المتشابهون ويلتموا على بعضهم.