المساعد الشخصي الرقمي

مشاهدة النسخة كاملة : قاموس شامي


عبير
08-24-2010, 03:24 PM
دشرو : يعني حل عنو.
ماني غضران : يعني لست بقادر (وهي بالميداني)
يوه تشكلو آسي : يوه مفرده ياتي شرحها لاحقاَ .
تشكلو آسي (بعيد الشر) تعبير يفيد شدة حب المتكلم للمتكلم عنه ....
الواه الواه :تعبير نسائي قح يفيد التمسخر على شيء ما.
معبا بنطرون : يعني واحد أجدب وجاية يحكي .
ولا : آداة تستخدم في النهر والشتم.
وخنان : مسبة مانها ظريفة بس وضعت للضرورةاللغوية.
دشرني : أي حل عني ... وحل عني يعمي أتركني بحالي.
أيدي بزنارك : تعبير يستخدم للتعبير عن الرجاء .
دخيل الله : أيضاَ تعبير والمقصود به هو الآستغائة بالله.
شعره متل الشوشة : أي أن شعره منفوش ومنكوش.
وضراب السخن : وهي مسبة..وتعني .... مابعرف مسبة وبس.
يوه الواه الواه : مفردة شهيرة جدأ عند النساء وتفيد الأوية.
كوكش : يعيني يفتش.
بحبش : ايضاً مفردة تعني البحث مع التمحيص.
ينمحق : ويعني ينضرب على قامتو .. يسطفل.
يبعتلو حمى : أي تصيبه حمى ويمرض.
يتحورق : متل يبعتلو حمى.
يتقوص : بنفس المعنى.
يتأمع : كمان هيك شي.
عود يقعد رزك : يعني خيلتنا حاجة تحوص.
والمعنى الأدق: يقعد رزك يعني تموت والناس ياكلو رز.. لانو من المعروف عندما يموت حدى بتصير عزيمة وبيطعمو الناس أوزي
على روح الميت والأوزي آكله معروفة بالشام.
وين غاطط : وين مو مبين.
والسبع تنعام : يعني النا الشرف.
حيط بياخذو وحيط بيجيو : تقال للي بيسكر من كتر الترنح.
مابيعرف الخمسة من الطمسه :
عن الرجل اللي ماعندو ثقافة.
سري مري : عاللي بيخفق برات البيت.
شندي بندي : للي بيحكي بلا طعمه شروي غروي.
فايت بالحيط – طاقق الفيوز : للدلالة على انو ماعم يلاقى كلمة مناسبة.
مجنط : مفلس ولا قرش.
كحته : أيدو ماسكه .. بخيل.
شاطط ماطط : يعني مدلع زيادة.
نعيان : يعني قلبو بارد.
نايط = نعيان = بارد
شاضومه : بنت مجلوئة .. يعني كيف بدي الكن .... قليلة أدب ومصبينه.
شحاطة : مايلبسه المرء في قدمه عندما يكون في المنزل.
تعسيله : نومة بعض الظهر.
مسرسبة : يعني بتحب النظافة كتير.
أسسييع أوعى الزيت : بمعنى وسع وفسح طريق.
أغيييييى : هي للأقبضايات وبس.
تأكلو الدودة العميا : يعني الواحد يموت وياكله الدود بعيد الشر.
يبعتلو اتلو شو سمج : كمان يعني يموت وسمج يعني غليظ..
موسوس : مهووس بشغله.
عقلو جوزتين بخرج : يعني عقله صغير.
متل الأطرش بالزفة : يعني مالو علاقة بالموضوع.
حاج تحوص وتلوص : يعني حاجة تفتل وتدور.
شوية لرخار : بعد شوي.
بنت عمي : يعني مرتو وطبعاً بالعكس.
مع ملاحظة قرائة كل حرف ((ق)) ((أ))
مثال ((تمحق)) ((تمحأ))
وهذه كلمات متداولة فقط عند أهل الشام الأصليين
اوعى اوعي : تستخدم عند ركوب الدراجة في مناطق مزدحمةوتعني انتبه
وافسح مجال لو سمحت

مقضي لمصدي: يعني رجال مخضرم ذو خبرة
دشرو: يعني حل عنوا
لواه الواه: تعبير نسائي قح يقيد التمسخر على شيء ما
معبا بنطلون: يعني واحد أجدب *ايدي بزنارك : تعبير يستخدم للتعبير
عن الرجاء *دخيل الله : أيضاً تعبير و المقصود به هو الإستغاثه
متل الشوشة باللهشعر: أي ان شعره منفوش و منكوش
وضراب السخن : وهي مسبة وتعني ............. ما بعرف بس مسبة
كوكش : يعني يفتش بحبش : أيضاً مفردة تعني البحث مع التمحيص
بنمحئ : ويعني ينضرب على قامتو...يسطفل
يتحورق : كمان متل يبعتلو حمى
عود يقعد رزك : يعني خيلتنا حاجة تحوص
وين غاطط : يا عمي وينك مو مبين
والسبع تنعام : يعني إلنا الشرف
ما بيعرف الخمسة من الطمسة : عن الرجل يلي ما عندو ثقافة
سري مري : عللي بيخفق برات البيت لسا رايح سري مري
شروي غروي – أو شندي بندي : عالحكي يلي بلا طعمة
مجنط – فايت بالحيط – طاقق الفيوز : كلهم للدلالة على انو واحد
مجنط مو ركـــــــــاز يعني مامعو مصاري يعني بتنقال ع كلشي مو خرج
مأنشح كحتة وبحب الشحتة – ايدو ماسكة على البخل ......
شاطط وماطط : يعني
مدلع زيادة

الطيب مع الطيب تجارة
11-02-2010, 11:33 PM
انت مبدعه ورائعه على طرحك هذا الموضوع عن قاموس يجمع فيه كلمات تراثية لازالت معظمها ستخدم الي يومنا هذا شكرا الك

Rudaina
11-02-2010, 11:48 PM
مشكورة يا عبير ...
كتير حلو الموضوع و مهم...

سنا الربيع
11-08-2010, 01:10 AM
موضوع جميل وتعبر عن تراث شعبي ومفردات اهل الشام الحبيبة ..شكرالك ..مودتي وتحيتي لك .

لورين
04-01-2011, 10:45 AM
وانا سوري اَاَاَاَه يا نيالي
تسلم دياتك على هادا الموضوع

كمنجاتي
04-03-2011, 07:35 PM
قاموس ظريف يسلط الضوء على بعض المفردات الغريبة في اللهجة الشامية.

شكرا اختي الغالية عبيــــــــــــــــــــر.

ننتظر مزيدا من الألفاظ المشروحة.