عرض مشاركة واحدة
قديم 05-10-2011, 10:55 AM   #10
ياسمين الشام
مديرة المنتدى
 
الصورة الرمزية ياسمين الشام
 
تاريخ التسجيل: Jul 2010
العمر: 47
المشاركات: 10,857
افتراضي رد: كل عضو يكتب عن حالته رجاء

كنت نام سبع ساعات ويمكن أكتر
وكنت شوف منامات حلوة كتير
صرت نام ساعتين أو تلاتة بالكتير وكل ماغمضت عيوني بفيق على كابوس
ولا مرة خطر على بالي انو ولادي بخطر
ولا أتصل بأهلي وأخواتي من الصبح لأتأكد أنهم عايشين

ولا عمري طلعت على البلكون لشوف وضع الشارع والجيران
بالعكس كنت سكر الشبابيك والبرادي حتى ما أسمع صوت السيارات
وضجة الناس والأولاد
ما تخيلت بحياتي أنو قي شخص ما بيحب سوريا وترابها وعطرها وكلشي فيها
كان الصبح مخصص للهدوء وأحلام الليقظة ولصوت فيروز والقهوة
وكانت الذاكرة مليانة بالمواقف النبيلة والراقية والدافئة
بس ما بعرف شو صار !!!
كلشي بعرفو أنو صارت حالتنا حالة
حالة غريبة عجيبة
وشعورنا صعب نعبر عنو بسطرين أو صفحتين
بتمنى نرجع وترجع ضجة السيارات بشارعنا
بتمنى بتمنى بتمنى كلشي يرجع متل ماكان
__________________
أضعف فأناديك ..
فأزداد ضعفاً فأخفيك !!!
ياسمين الشام غير متواجد حالياً   رد مع اقتباس